الشاعر عبدالمنعم عدلى

جارح الناس
عبدالمنعم عدلى..مصر
يارامى الناس
بكلام جراح
كلامك أوهام
وملهوش إحساس
كنت فاكر نفسك
إنك إنسان
أتاريك بتدوس
على إحساس الناس
والإنسان مات
من زمان
بس الحلم
كان خيال
أوهام عايش فيها
ومعيش فيها ناس
يامجرح الناس
وسبك علنى
إيه رماك
مر البعاد
ولاالهوى رماك
عامل نفسك
لابس وشاح الكمال
والكدب بيجرى
فى دمك
وإنت مذاع
فى رسم الأوهام
بتعلق خطأك
على شماعة غيرك
كداب والأصل فضاح
وكلامك ملهوش إحساس
راجع نفسك
وشيل همك لوحدك
بكرة التراب
ينفر من ريحتك
والأفاعى تنهش عظمك
ومش هتلاقى
اللى يقول
كلمة حلوة
فى حقك
أصلك خسيس
والخسة فى دمك
مش هسامحك ولا أكلمك
وإنت جارح
إحساس الناس
بقلمى عبدالمنعم عدلى