الشاعرة راوية حسن

الله عليكى ياحبيبتى
ياأمى انتى
وكمان بنتى
قويه دايما وعفيه
ومهما تمر من ازمات
بتقومى وكلك حنيه
على الغريب قبل اولادك
وصادقه انتى فى النيه
ومهما ابعد فى يوم عنك
دى صورتك دايما فى عنيه
والف بلاد واشوف غيرك
حبيبتى يا ام الدنيا
تروح سنين وتمر سنين
وانتى لسه فى مكانك
ومهما يعملوا اللايمين
واقفين دايما على بابك
وفاتحلهم ووقفالهم
ومدالهم درعاتك
ياام الهرم يابنت النيل
الكل واقفلك وخدامك
محروسه من رب العالمين
ومذكوره فى القرآن
ومستوره ليوم الدين
وبسمع فيكى كل ادان
الله اكبر يامصريين
محروسه م الانس وم الجان
==================
راوية حسن