الشاعر ابو قاسم ال حربي

( عتب باللهجه العراقيه الدارجه )
-------
هم اني بعدني ما ناسي
لان الجرح قاسي
هم  بعدني ما ناسي
لانك اعز ناسي
مالك احساسي
حتى شرياني يحسك
مالك احساسي
زرعتك ورد جوري
خضرت شوك
مو من طبع الورد
يجرح
ولا شفت ورد قاسي
بس انته بالوجه كلتلي
صدكني ما ناسي
ولا يوم انسه
انته مالك  احساسي
جنت اتنفسك  - روح  - وعطر
وشوفك واحة ورد
اني ازرعتها بدموعي
ارويها
وانتظرها شوكت
تكبر  - محنه  - وتردلي
تعبي
ومشي اجدامي
الك حافي
جنت اتوقعك صدك
موش جذابي
هواي دكو علي بابي
ما فتحته بس الك
كلبي فتح بابي
شيفيد العتب كون العشك
مصلحة وجذابي
ما ادري منو ماية
اعلى من مايي
وبعتني
برخص التراب
انتظر - هم
تنباع صدكني
الوكت دوار
اليوم الك
باجر عليك
هم مثلي تضل
تصفج بديك
اذكرك
لاتنسه الوصية
ال جنت اوصيك
بس شسوي ماغزرت
بيك
ماصخة الملحة ما غزرت
بيك
من اهات ---- ابو قاسم ال حربي