لا للمخدرات
في الشغل هيحللولي وهيخدو العينه
ودمي هيطلع بني وهتبان البينه
بيقولي هيفصلوني ياسنين مطينه
وأنا أعمل ايه في دمي وفي لونه الجديد
منغيره مش هاعرف أمشي ولا بكون سعيد
لما أشرب بفرح وأروق وأمشي سكتي
وأتوه عن باب بيتنا وعن باب شقتي
هفوق وهرجع لعقلي ياولاد حتيتي
وهبعد عن السجاره وأكسب أخرتي
وفي شغلي أروح وأجي وأمارس مهنتي
بدل مايحليلولي وقدام ناسي يفضحوني
وأخسر ياناس نفسي وقيمتي وصحتي
المخدرات ياناس مرض وأذاه كبير
بتضيع الصحه والعقل والتفكير
قوم وأحلف ماأنتي شارب لو حتي العقل طار
وأفتكر حساب ربك وإن فيه جنه ونار
أنا كنت يوم زيك وربنا تاب عليه
من شرب الدخان ودى السنه التالته ليا
لو كنت فاكر هتضعف تبقي راجل غلطان
أنتي جسمك هيقوي وهترجع أيام زمان
وهتاحفظ علي عيشك وعلي بيتك من الزمان
وعلي قيمت نفسك وهتعيش شريف فرحان
أوعي السجارة تخدك وتتحكم فيك
وتضيع قيمتك وعقلك وتجيبك وتوديك
أعمل حساب ولادك وإن أنت من الكبار
وخليك قيمه قدامهم وبلاش أفعال صغار
لو حليلولك ومن شغلك رافدوك
هتفضح أهلك وناسك وهتجيب العار لابوك
وهتبقي قدام ولادك أب مايسويش
. ضيعت قيمتك ومالك وضيعت اكل العيش
وبعدين ازي سجارة تقوي وتتحكم فيك
وخليك راجل ياصحبي وأوعاها تلعب بيك
بقلم ......
وليد عويس
ليست هناك تعليقات:
إرسال تعليق