الشاعر عبدالمنعم عدلى

حوار مع البحر
عبدالمنعم عدلى ..مصر
قول لى يابحر
موجك عالى
عليا ليه
وأنا سابح فيك
من غير مجداف ولاشراع
كل يوم فى حال
وكان بنا أسرار
كنت بحبك
وكل يوم بنا حوار
جاوبنى يابحر
أجاوبك وأقول
المد والجزر أسرار
والروح فيهم تحتار
يافاكر ليلك ذى نهارك
الزمن دوار
وكله ماشى
فى المدار
قول لى يابحر
سر من أسرارك
أنا صحبك
وإنت كاتم أسرارى
ياصحبى
سرى عند ربى
وأنا سامع همسك
وواجبى صمتى
وأسمع من غيرك
أنا بحر واسع المدى
وأنت ضعيف
حبك شاغلك
عشقك تراتيلك
هواك جواك
سارح فى حشاك
ياشاغل ليلك نهارك
وإنت وحيد
وعشقك فى الحب عنيد
ياصحبى
تعال وإشكى
وهات مافيك
أنا صبر
أنا دهر
أنا طرياق المحبين
أنا شاطئ للعاشقين
أنا اللقاء الحزين والسعيد
يابحر
ياصديق العمر السعيد
وآلام السنين
أنت سر لايباح
بقلمى عبدالمنعم عدلى