الشاعر أشرف رسلان

((دُنيا مَليانه وِشُوش))
___  عامية  ___
كلمات/أشرف رسلان
😀😉😈🙈😂😴👹
المَحبه والمعزه شِئ جميل
عُمرهُا  مابتِتفرض ........
أصل إللي يِخُش قلبي دَه أصيل
لَماأشوفه عُمر قَلبي مَاينقبض ..
لَكن الأراجوز ..وِحَاوي إللي غاوي ....
وإللي بَيلون وِشوش
فَاكر إن الكُل زَيُه
أصل زَيُه مَاتلَقيش
كُل صَديق أنا لِيه بَزَامِل
كُل وَاحد لِيه بَجَامِل
وإللي لِذُووقُه بَعَامِل
طَبعي وبِيفرِض عَليَه
للأصيل أكون أصيل
والنَّدل عُمري مَرة لِيه مَاشِيل
بَس أقولَك بِصراحَة
الخَسيس .. هُوَ يِكسب
هُوَ فَايز ...
أصل ألوانه كِتير
هُوَ مِن كُتر الوِشوش
هُوَ عارف إمتى يِظهَر
يُوم حزين ..ويُوم بَشوش
يُوم  أمير .. ويُوم حَقير
أصل عَندُه كِتير وِشوش
عَلى كِيفك هُوَ ساير
بِالمُجَامله... بِالأوَنطه
بِالضِّحكَة أو أي شِئ
بَعدَها يِرمِيك  فِي بِير
لَما تِبقَى مَالَكش لَازمه
مَصلَحه وِغِيرَك كِتير
تِرجَع الدَّايرَه تِدُور
تِدَوَر إنتَ عَل المَحَبه والأصُول ..
تِلقَى نَاس إنتَ كُنت لِيهَا تَارِك ....
رُوح عَليها وِإستِبَارِك ...
نَاس مَاليها غِير وِش وَاحِد
وِش حَابِب وِش كَارِه
المُهم إنتَ عَارِف وِش مِين