الشاعر حسام غنيم

......يومياتي  بالصعيد .
يابلاد عمي .......
على شط نيل ببكى
من عقل زاد همى
ونسيت نار شمس وصومي
لما تجري الروح بدمها
على ماية نيلها تبكى من ابن عمي
لما نسي إنه دم ابن بلدي
وجري ورا جنون دنيا
ومسك سلاح بكرة هايغمه
لما يجي يومه قدام ربه
وفى إديده دم ابن عمه
هاينطق إنه ماصان شهره
وصيام وقيام ليله
رمي بكل الخير ورا غروره
وجري جرى الوحوش ورا تاره
بدار ياما لعب فيها صغاره ساعة العصاري
ولقمة ياما قاسمتها أم الحياره
بس شيطانه قطف كل أزهاره
ومشى بموكب غروب عن داره
ياعالم إمتى العقل يرجع داره
ويرجع لكتاب الله ياحيارة
هو هى الدنيا إيه غير زيارة
لأرض الله مالك الملك ياأبوسجارة
وماشي فيها ومش دارى إنك بزيارة
وروحت ورا جنون عمة وعصاية
وقطعت سكة لله يمشي فيها عبادة
يابخت اللى ياخد حسناته
زى حديث سيد الخلق وآياته ربه
لما تخسن وتزرع فى أرضه
مش تقتل فى خلقه
وفاكر إنك صاحب أرضه
بعقل زى عمة وعصاية
طب شوف كل اللى عدي
ماجاب الدم غير خراب تاره
يابن عمي شوف آيات ربك
وسلسبيل حديث يشفى قلبك
ويطير الحقد على جناح غراب من على دراك
ياما خرب بيوت بقلوب وقسوتك
قال إيه دا إحنا عصبة
وفينا بدل الولد عشرة
طب فين حكم ربك
ودين الله وإن كان رحل عن قلبك
ومشيت بموكب حزين ببلدك
وصغار وبنت بظافير خايفه منك
الرعب ملي كل خطوة تدوسها قدمك
اليوم أربعة بين إدين ربك
وبكرة ياعالم إيه مخبى ليك قدرك
ياود عمي إرجع وإفتكر ربك
ويوم جاي ليك بقبرك
مش هيساعى  حتى جسدك
ابقى قولى ازاى هتاخد ممشي لأهلك
وإنتم يللي بعمة وكفولة
ياما وياما صدعتونا بمنارة
على شاشة غايبة وسط دوكة
وتانى همام بدلة وكرفتة ببرلمان
هم دول مش أهل لينا راحوا
ودم عزيز سال بصيامه بحجازة
.........................بقلمى حسام غنيم