تراب الوطن
الحزن ماليني بأيده طاويني
صفحة انا من ضمن كتاب
كتاب بيحكي قصص عجيبة
بس يا خسارة عن العذاب
والعذاب هو بعينه
لما يكون الابن مات
لما يضيع دفء الوطن
وتروح معاه الذكريات
لما تبقى كام حرف في جريدة
تصبح حكايتك مجرد خبر
والجريدة تترمي ويدوسوها
ومين يا ناس في يوم اعتبر
المهم اخويا عايش
دا المهم والله عنده
بكرة الدايرة تدور عليه
ويلقى حظي والله عنده
علمونا في المدارس
ان العرب اخوة ودم
بس فين هى المدارس
دا كل شيء اتهدم
ما عادشي فاضل
غير دعا لرب العباد
ارجع لحضنك يا بلدي
وابوس تراب احلى البلاد
يحيى حسين 16 يناير 2019
ليست هناك تعليقات:
إرسال تعليق