بداية رواية
-=-=-=-=-=-
وصمتي كان فيها حكاية
حلم بعيد و أماني جواية
كنت فاكر أني لسة بالبداية
والقدر سرقها وكتب النهاية
وعد مني أصل نبضك غواية
وعد ما راح أنسي الحكاية
دق قلبي دقتين ياترى
واخدني لفين
حلم بعيد كان فرحتة يدوب
يومين
رسمت فية الأماني واللقا
على الشطين
والقمر بدر طل والكحل
بالعنين
والثغر باسم و الكلام كان
ضحكتين
و السلام أااااه من السلام
كان بين قلبين
ورعشة لهفة شوق وحنين
بالأدين
وقف الزمان وأتبدل المكان
حلم بين روحين
وخداني يادنيا الحلم لجنة
صبر السنين
عشت الحب مرة و العيشة
بعدك مره أسى و أنين
أشهد يا زمن علية أن روحي
دايبة فيه
أن قلبي نفسة يوم يدق تاني
مشتاق لعنيه
نظرة واحدة والعيون بتضحك
ملهوف عليه
فاكر أول مرة شوفته والكلام
سكت الكلام سرحت فيه
أيه هو دا لما قابلتة أشمعنا
قلبي أتشد ليه
كنت تايه قبله ضايع كنت بحلم
يوم ألاقيه
وألتقيته سرق روحي غصب
عني قلبي ليه
وأبتدت الحكاية عشت معاه
وبعمري شاريه
هداني ربي بيها هي جنه
كانت بين أيديه
غمضت عيني وشكرت ربي
رزقني منها البنين
حلم عشتة وشفت منه يوسف
و ياسين و أمين
دقت الحلو كله وحياتي قضيتها
جنه مابين روحين
وفلحظة بقينا في دنيا تانية
والقدر كتب النهاية
سرقها مني
من سنين
مهما أقول وأحكي الحكاية
مهما أوصف من البداية
كنت أفدية بنور العين
حاولت أحكي من البداية
مهما أقول وأروي الحكاية
مهما أقول مليون بحبه
صدقوني شوية عليه
كان نفسي أكون موجود
كنت طفيت نار أخدود
كنت أفديها وهي تعود
حب الروح مالوش حدود
ودي كانت بداية رواية
كنت حعيشها من البداية
والقدر لخصها وكتب النهاية
-=-=-=-=-=-=-=-=-=-
بقلم.. د.أحمد أمين عثمان
ليست هناك تعليقات:
إرسال تعليق