ضاعت سنين العمر
عدت مننا
و العمر فات
و كل فرح ف عمرنا
بقى ذكريات
و ما عدش باقي مننا
غير الأهات
لما بتنزل دمعتي
لما باحس بغربتى
و تديق عليا دنيتى
بارجع سعات
للذكريات
و أقول ياعين
خلاص توبى
تقول الدمع مكتوبى
و فرح العمر
عدا و فات
هات اللي عندك يا زمن
قول اللي عندك هات
ألكل دافع تمن
و الدنيا دي حكايات
و إيه حايفضل منها
غير ذكريات
مش كل الحياة تفاريح
دي ريشه ف مهب
الريح
و الكل فيها جريح
بس الجراح مسافات
يا طير يا طاير ف السما
إفرد جناحك طير
عيش السعاده و الفرح
قبل الفرح ما يطير
و تعيش حياتك زينا
و تعيش أسير
للذكريات ..
( ماهر النوبي )
ليست هناك تعليقات:
إرسال تعليق