ليه دايماً شايفك حزين
ومتأقلم مع دور الضحيه
وجعك وفرحك علي الجبين
مكتوبين من قبل خلق البشريه
خلي عندك حسن ظن بالله
فهو الوحيد اللي هتلقاه
سند ليك في الدنيا ديه
لا تزعل لو خانتك الدنيا ف يوم
ولا تبات فيها يا اخي مهموم
دي مجرد صفحه ومطويه
واحنا فيها زوار وعابرين
اشكر اللي يقولك ليك مشتاقين
وعاملها دايماً بحنيه
سايسها وما تربيش بينك وبينها عداوات
انا علموني في التاريخ ان البطل مات
عاندها فجات عليه وكانت مفتريه
كلنا علي كوكب الارض بنعاني
عايشينها بالامل مش بشئ تاني
والمستسلم كان مجني عليه وجاني
بنقاوح في قدرنا والدنيا هي هي
بلاش تقول انك موجوع
والله لو اعرف ان صوتي هيكون مسموع
لانادي من اعلي قمة افرست الهنديه
#كلنا_بنعاني
#صالح_المصري
ليست هناك تعليقات:
إرسال تعليق