كل شئ فينا بيموت
الفراق هو البعاد
والعمر حيعدى ويفوت
الفراق انك حتنسى
وان قلبك قادر ويقسى
بس انا حصنت قلبى
قولت له حاسب لينسى
الفراق راحوا الحبايب
والكل بقى فينا غايب
مهما روحنا ولاجينا
خدنا من القسوه نايب
الفراق علم علينا
لغى اجمل حاجه فينا
خلى كل حاجه حلوه
شكلها اتغير فى عنينا
الفراق جرح فى قلوبنا
قولنا خلاص ياعينى دوبنا
واللى راح عمره مايرجع
حتى مهما ياسيدى توبنا
================
بقلمى/راوية حسن
ليست هناك تعليقات:
إرسال تعليق